Կանգ առ ակնթարթ, դու հիասքանչ ես…
Աշխարհի ամենահայտնի ամսագրերի շապիկներին հայտնված մոդելները հիանալի և գերող տեսք ունեն: Մենք, իհարկե, գիտենք, որ այդ տեսքը նրանք ստանում են ժամերով հարդարվելուց և մեյք-ափ անելուց հետո: Եթե դուք էլ եք ցանկանում նկարվելիս սքանչելի տեսք ունենալ, ապա պետք է հետևեք աշխարհի լավագույն լուսանկարիչների խորհուրդներին.
Դեմք
Մուգ մաշկ ունեցողներին խորհուրդ է տրվում օգտագործել դեմքի գույնին համապատասխան քսուկներ, իսկ բաց մաշկ ունեցողներին` ավելի բնական և հագեցած քսուկներ:
Աչքեր
Աչքերը մի ընդգծեք կապույտ կամ կանաչ մատիտով. դրանք շատ սուր գույն են հաղորդում: Lավ կլինի չընդգծել նաև ստորին կոպը:
Շրթունքներ
Շատ մուգ և վառ գույնի շրթներկը, հատկապես շականակագույնի երանգները, կդարձնեն ձեզ կոպիտ և վուլգար և կմեծացնեն ձեր տարիքը: Որպեսզի շրթունքներն ավելի փափուկ և գեղեցիկ տեսք ունենան, օգտագործեք բաց գույնի շրթներկ:
Մարմին
Կարճահասակ աղջիկները նախընտրելի է զերծ մնան շատ կարճ և շերտավոր զգեստից: Իսկ շատ բարձրակրունկ կոշիկներն էլ կարող են թողնել անկայունության և անհարմարավետության տպավորություն:
Գործողություն
Երբ լուսանկարվում եք, փորձեք գլուխը ներքև չիջեցնել: Նայեք մի փոքր վերև, այս դեպքում աչքերն ավելի մեծ և տպավորիչ կլինեն: Երբեք օբյեկտիվին ուղիղ մի նայեք: Մի փոքր թեքված գլուխը միշտ էլ տալիս է ավելի գրավիչ արդյունք:
Եվ ամենակարևոր խորհուրդը` մի եղեք ինչպես մանեկեն: Փորձեք լիցքաթափվել և անկեղծ ժպտալ
