Շատերիս հետ է պատահում, որ ցուրտ եղանակի, եղանակին անհամապատասխան հագնվելու և այլ պատճառներով մեզ մոտ առաջանում է մրսածություն:
Շատերը մրսածութունը շփոթում են գրիպի հետ, սակայն դրանք նույնը չեն:
Մրսածությունը առաջանում է հիմնականում օրգանիզմի սառեցումից հետո, սակայն օրգանիզմի սառեցումը ուղղակիորեն մրսածություն չի առաջացոնում:
Մրսածությունն առաջանում է իմունիտետի թուլացման և ինֆեկցիաների պատճառով:
Գրիպը վիրուսային հիվանդություն է, իսկ մրսածությունը` մանրեային, այնպես որ գրիպի դեմ զանազան հակավիրուսային հաբերը մրսածության դեպքում չեն օգնի, այլ ընդհակառակը` կվնասեն ձեր օրգանիզմին:
Շատերը մտածում են, թե մրսածությունը բուժման կարիք չունի և եթե ոչինչ չանել, այն ինքնաբերաբար կանցնի: Ինքն իրենով մրսածությունը մեծ վտանգ չի ներկայացում, սակայն եթե անուշադրության մատնվի, կարող է վերածվել ավելի վտանգավոր հիվանդությունների՝ բրոնխիտի, թոքաբորբի և այլն: Այնպես որ մրսածությունն արժե բուժել:
Իսկ ինչպե՞ս բուժել մրսածությունը: Դրա համար արեք հետևյալը.
- Խմեք շատ հեղուկներ
Մրսածության դեմ շատ օգտակար է մեծ քանակությամբ հեղուկների օգտագործումը: Դրանք նպաստում են օրգանիզմից զանազան տոքսինների դուրսբերմանը: Խմեք համեմատաբար տաք հեղուկներ, օրինակ՝ լիմոնով թեյ, սակայն ոչ չափազանց տաք և վառող, քանզի այդ դեպքում շատ տաք հեղուկը կարող է վնասել ձեր կոկորդի թաղանթը:
- Օգտագործեք շատ վիտամիններ
Մրսածության ժամանակ օրգանիզմը թուլանում է, և այն ամրապնդելու համար անհրաժեշտ է օգտագործել մեծ քանակությամբ վիտամիններ պարունակող սնունդ, հիմնականում մրգեր: Հատկապես օգտակար է վիտամին C-ն:
- Սնվեք թեթև սնունդով
Քանի որ մրսածության ժամանակ օրգանիզմը թուլանում է, ապա մարսողական համակարգի բեռնվածությունը ավելի կբարդացնի ձեր վիճակը, այդ իսկ պատճառով օգտագործեք թեթև սնունդ, որպեսզի ավելի շուտ ապաքինվեք:
- Շատ հանգստացեք
Շատ մնացեք պարկած և ֆիզիկապես մի ծանրաբեռնվեք, որպեսզի ձեր օրգանիզմը հանգստանա և շուտ ապաքնիվեք:
- Մի իջեցրեք ջերմությունը
Եթե ձեր ջերմությունը 38-38.5 աստիճանից ավել չէ, ապա կարիք չկա այն իջեցնելու: Եթե ունեք ջերմություն, ապա դա ձեր օրգանիզմի բնականոն պատասխանն է մանրեներին և բարձր ջերմաստիճանը նպաստում է մանրեների ոչնչացմանը: Սակայն շատ բարձր ջերմաստիճանի դեպքում անհապաղ դիմեք բժշկի:
- Շատ մի օգտագործեք մրսածության դեմ դեղամիջոցներ
Աշխատեք քիչ օգտագործել մրսածության դեմ փոշիներ, ինչպես Կոլդրեքսը, Ռինզասիպը և այլն: Այո, դրանք իսկապես նպաստում են մրսածության ախտանշանների վերացմանը, սակայն բուն հիվանդությունը չեն բուժում:
Նմանատիպ դեղամիջոցները պարունակում են.
պարացետամոլ - ջերմությունն իջեցնելու համար
անալգետիկ - ցավը հանելու համար
կոֆեին - թարմացնելու համար:
Բուժական էֆֆեկտ չունեն, սակայն մեծ քանակությամբ օգտագործելու դեպքում կարող են վնաս հասցնել ձեր օրգանիզմին: Օգտագործեք միայն եթե ձեզ անհրաժեշտ է անհետաձգելի կարևոր գործեր անել, սակայն, հիշեք, որ առողջությունից կարևոր ոչինչ չկա:
Հարցերի կամ առաջարկությունների դեպքում գրեք մեկնաբանություններ: Տեղեկացոնուն ենք նաև, որ հոդվածի հեղինակը բժիշկ չէ և բոլոր խորհուրդները վերցված են համացանցի ռուսալեզու կայքերից կամ զանազան գրքերից: Այնպես որ չենք կարող ասել դրանց օգտակար լինելու մասին |
